انــــا مـــن اكــــون!!! : حوار مع اميرة ...........

من هدف المقالة السابقه (ماذا نريد من الاخرين) كنت اتحدث اليوم مع صديقة لى

وتطور حوارنا الى هذا الحوار الذى اكتشفت فيه اننى ولى اول مره منذ سنين اتحدث

معاها دون تفكير فى اى شىء اخر غير انى اكون مستمعه جيده واشعر بما تقوله

مجمل الحواار بداء : سكتب بما تحدثنا بيه اعذرونى اذا لم اكتب بتنسيق :

-بتحسى بايه وانتى بتجرى ؟

بحس انى فى حالة انتعاش مرتاحة نفسياً عباره عن انى بحرق كل الغضب

اللى جوايا بحس انى فى عالم تانى غير اللى انا فيه غير كل ده بعد ما بجرى

بحس بطاقة وانى عاوزه اهز الدنيا بيدى كلها ومليها طاقه ونشاط وحب

-ايه اكتر حاجه بتخليكى محتاجه انك تجرى ؟

لو فى شىء ضايقنى بفكر انى امتص غضبى بانى اجرى

-امته بتحسى بصرخه منك ليكى ؟

اما بيحصل اكتر من حاجه وراء بعض وكلهم بيضغطوا على اعصابى بحس انى

عاوزه اصرخ ...

-بتحسى ان الصرخه دى محدش بيسمعها غيرك ؟

ايوه

-بتضايقى ان الصرخه دى محدش بيسمعها معاكى ؟

بحس ان محدش حاسس بيا ...

-تفتكرى لو حد سمعها معاكى هتحسى بايه ؟

هحس ان ده اكتر حد حاسس بيا وعارفنى ولمسنى من جوايا

-حتى لو مكنش قريب منك ؟

حتى لو كان مش قريب منى

-دلوقتى جواكى صرخه ؟

دلوقتى .......لاء ...

-اكتر شىء يشغل اكبر مساحة فى تفكيرك ؟

علاقتى بالناس اللى حوليا .....

-بتفكرى فيكى ؟

بحس انى ماخدتش اللى انا عاوزه فى الدنيا (لحظات صمت )

قطعته ليـــــــــه ؟

علشان مش عارفه ايه اللى انا عاوزاه """""""(ردها هنا كانت فى مكان غير اللى كانت فيه فى السوال السابق )

-ازاى بتقولى انك ماخدتيش اللى انتى عاوزه وفى السوال اللى بعديه بتقولى لانك مش

عارفه انتى عاوزه ايه ؟؟؟

لا تعليق .............

-تحبى فى نهاية حدثنا الجميل تختمى بكلمة تعبر عن مجمل افكارك ؟؟

ان الانسان مش بياخد كل حاجه هو عاوزها

اما بياخد الللى الدنيا بتيدهولوه او اللى ربنا كتبهولوا

(معلش يا جماعه استحملونى بس انا قاصده معانى بجد كتير فى الحوار ده )

1- انا طلبت منها فى البدايه كنوع من الهزار انى اعيش دور صحفيه او محلله نفسيه

وانها تفتح قلبها ليا ...وبكده حققت حلم من احلمى اللى ماتنفذت فى الحقيقه وادينى بكتبها

ولو حتى فرد واحد هيشوفها لكنى حققتها رغم استحالتها ليا فى فتره من الفترات

وانى اتكلم مع نفس شخص تانى بكل صدق وشفافية وبكل بساطه

2- كتير حولينا بنحبهم ومعانا وممكن يكونوا بيصرخوا من جواهم

واحنا وله احنا هنا حوار مش هياخد اكتر من 10 دقائق بيغيروا اشخاص

3- حياتنا دى ملكنا احنا اللى بنعملها واحنا اللى قادرين اننا نعمل اى حاجه احنا

عاوزنها ونصبر ونحارب بحب علشان نوصلها وهنقدر نوصلها ان شاء الله

4- هدفك اميره كان كل هدفها اللى حوليها ولما سالتها عن نفسها معرفتش ترد ؟

احنا فين من انفسنا ؟؟؟؟؟؟؟؟؟؟؟

تحياتى للجميع